اشعاری از جعفر قره پور 7

گؤزه ليم سؤيله ديگين عشق و محبت بوائيميش؟
منه وعد ائيله ديگين يوْخسا صداقت بوائيميش؟
ساتدين اغياره مني قلبيمه داغلار چكدين
اوْل گؤزه للرده اوْلان اصل و نجابت بوائيميش؟
قوْيمازيديم گئده سن لحظه گؤزومده ن اويانا
مني سن ترك ائله دين شرط رفاقت بوائيميش؟
بير عؤمور نازيني چكديم كي يئته م وصلينه من
نازنين لرده مگر عشوه لي وصلت بوائيميش؟
يئتيشن كامه رقيبيمدي يانان عشقيده، من
نئيله ييم چاره نه دير بلكه ده قسمت بوائيميش
مهلت ايستردي ازلدن منه فرصت دئدي وئر
دوشدو فرصت الينه وئرديگي فرصت بوائيميش
دوزدو غربتده غريبلر كي اؤله ر، جان وئرمز
دوْغما يوردومدا غريبم دئمه غربت بوائيميش
وقت اؤتوبدور نه گره ك سئوگيلي جانان سرمد
شانسينا اوْغراياجاق بلكه اوْل لعبت بوائيميش

اشعاری از جعفر قره پور 6

فكر ائدرديم يار آنار درديم وليكن آنمادي
من يانان تك عشق اوْدوندا يانسين آنجاق يانمادي
گولدو تا من سؤيله ديم غملر چوروتموش جسميميبي وفاليق غملرين اوْل بي وفا غم صانمادي
آلداديرميش بير عؤمور بير ساختا عيشوه ايلن مني
مرغ دل بيجا يئره خالين گؤروب آلدانمادي
اوز قوْيوب قول تك اؤپنده خاك پاييندن اوْنون
بير نظر قيقاجي باخدي شكر حقيم دانمادي
داد و فرياد ائتمه گيلن سرمد اوْلماز بير علاج
كج قانان يارين قاناردي ايسته سيدي قانمادي

اشعاری از جعفر قره پور 5

گؤزومده دلبرا سن موج اشكي قانه دؤندردين
بو دونياني فراقيندا منه زندانه دؤندردين
اوْل زلف عنبر افشاني عجب زنجير عشق ائتدين
دالينجا بوْينوما سالدين مني هر يانه دؤندردين
ياريلدي نار حسرتدن گينه شان – شان اوْلان باغريم
اوْل چين – چين تئللر اوستونده اليكي شانه دؤندردين
اوْل گؤزكي سنده وار بالله سالار يوسفلري جاندان
منِ زارين اوْل گؤزلرله ايشين افغانه دؤندردين
دئدين تسبيحي قير، قيرديم؛ دئدين زنّاري سال، سالديم
فقط بير وصليدن اؤتري مني صنعانه دؤندردين
منه چوخ – چوخ شيرينديركي اليندن جام زهر آلسام
دئسه ن كي وعده ي وصلي ندن هيجرانه دؤندردين ؟
رقيبيله گؤرن وقتي سني كؤنلوم آلوْلاندي
ساليب پاك عشقيمي ديلدن ديله  دستانه دؤندردين
مني اغيار آراسيندا بو قدري بسدي سينديرما
محبتدن نه گؤردون كي سؤزون بهتانه دؤندردين
نه بيلسين سرمد آخر حسرتيميش سئوگينين جرمي
اوْنو سن حاصلي تاراج اوْلان باغبانه دؤندردين

اشعاری از جعفر قره پور 4

دوشموش غم اودو كؤنلومه هيجران ياراشيقدا
گؤز  ياشيمي  روخساره  آخير قان  ياراشيقدا
سانجيب سينه مه چرخ دني تير بلاسين
هئچ  تير بلا  اولماز او  مژگان  ياراشيقدا
ترسا بالاسي گل  بو قده ر  ترسه  دولانما
امر ائت خاچ آسيم بوينوما صنعان ياراشيقدا
هر جوور ائله سن تابلاشارام وصلينه خاطر
كسسنده اگر باشيمي قوربان  ياراشيقدا
اؤلمه ز بو غريب وطني درديده ن اي شوخ
وصلين اولا گر  بير گئجه  درمان ياراشيقدا
گر گوشه چشمينله نظر قيلسان عزيزيم
بؤركو  قويارام  يانقليجي خان  ياراشيقدا
كؤنلوم آچيلار زولف سياهين كيمي هرده ن
گولسه  او لبين  غنچه  خندان  ياراشيقدا
ناز ائيلمه گل مهمانيم اول گؤز گؤزه اگله ش
بير چايدا صوزوم من سنه فنجان ياراشيقدا
چوخ عجز ائله ديم فرصتي گل وئرمه رقيبه
آت  گزديري او  اينديجه  ميدان  ياراشيقدا
سن تك گولو زحمتله بئجرديم يئل آپاردي
ايندي بو منم غصه لي باغبان ياراشيقدا
سرمد چيخاجاق جانيوي حسرت بوجاغيندا
ديللرده  گه زر  شعريوي  هذيان  ياراشيقدا

اشعاری از جعفر قره پور 3

گر چيخماسا جاناندان اؤتور، جان نه يه لازم
جان چيخسا وفا ائتمه سه جانان ، نه يه لازم
بير يئرده كي هئچ عهده وفا اولماياجاقميش
عهدين اونودان ياريله پيمان نه يه لازم
بير دووريده كي اَيرييلن يوخ دوزه تفريق
بو ترس دولانان كينه لي دوران نه يه لازم
هر درده علاج ائتمه گه درمان اولو لازم
درمان كي اؤزو درددي او درمان نه يه لازم
باخسان گؤره سن عاقلي ديوانه شه رده
مجنونه دئيين چول له بيابان نه يه لازم
انسانلاري كي بير بيريني ييرتاجاقيميش
جنگلده داخي ييرتيجي حيوان نه يه لازم
يكرنگ اولا دوست دونياده گر قارداشا باشدير
قارداش كي اياقدان چكه هر آن نه يه لازم
رزقي كي يئيير هر يارانان حق كرميندن
اؤز مثلينه هئي ((جان بلي قربان)) نه يه لازم
سرمد اؤزونه تنگ ائله مه سِفله جهاني
زنداندي اؤزو زندگي ، زندان نه يه لازم

اشعاری از جعفر قره پور 3

ياد ائيله گولوم سن مني سئودالي گئجه مده
پروانه  اولوم حوسنونه  شيدالي  گئجه مده
آچ لبلريني غنچه كيمين گول، گوله كؤنلوم
روحوم  ديريله  بلكه  مسيحايي  گئجه مده
سنسيز يوخومو سن بيليسن عرشه چكيلميش
بير ايچكي كيمي مست  ائله رؤيالي گئجه مده
دونيا  منه  زندانه  دؤنوبدو  نئجه  سنسيز
گل گؤر غمي بوسينه ده غوغالي گئجه مده
رخساره  ولي ائتمه  قارا  تئللري افشانتاريك ائله مه بختيمي يلدالي گئجه مده
تكفير  ائله مز  عاشقيني  زاهد خود  بين
گؤسترسن اوزون بير دؤنه احيالي گئجه مده
مجنونوداكي ليلي  غمي  چؤللره  سالميش
گل سالما چؤله سن مني ليلالي گئجه مده
سرمد سنه  واله  اولالي  عقليدن  اولموش
گل همدم اولاق منله بو خوليالي گئجه مده

اشعاری از جعفر قره پور 2

يانميشام هجران اوديلا بي وفا سن بيلمه دين
طعنه لر وئرميش رقيبيم ناروا سن بيلمه دين
عشق درسين اؤرگشندن مين بلالر چكميشم
دل بلا، دلبر بلا، عشقيم بلا، سن بيلمه دين
بي وفا ليقلار گؤرندن آشنادن كوسموشم
سن دئمه بيگانه لر ميش آشنا سن بيلمه دين
نئيله ييم عؤمروم توكندي غصه غمسيز اولماديم
همدميم كي درد اولوبدور مونس نوا سن بيلمه دين
گؤز ياشيم امداد ائدر هردن اونون مديونيم
خلوتيم چون ائيله يير چوخ با صفا سن بيلمه دين
او سببدندير اوپوب هر قطره سين من بوشلارام
اولمايا مندن اودا باري جدا سن بيلمه دين
روزگارين ساز ناسازين دئنن سرمد كئچيب
كوكله مه ك قصدينده يم بوندان صورا سن بيلمه دين

اشعاری از جعفر قره پور

منصوري چكيب عشقي اوْنون داره دئييرلر
مجنوندا دوشوب چؤللره آواره دئييرلر
فرهاد اؤزون اؤلدوردو آغير تهمته قالدي
هر كيمسه اؤزون اؤلدوره بيچاره دئييرلر
يوسف ده زليخاني قوْجالتدي نه قوْجالتدي
سالدي اوْنو بير وصله گؤره ناره دئييرلر
بيلمم نئجه بير ايشدي كي عشاقي هميشه
بيچاره و آواره و بيكاره دئييرلر
عشق اوْلماسا چايلاردا حزين زومزومه اوْلماز
قارتاللاري قوْنمازلار اوْل داغلاره دئييرلر
بولبولده طبيعتده كي قوشلار كيمي قوشدور
گولدور گئتيره ن تك اوْنو گفتاره دئييرلر
دوْوران دئييشيب ايندي طبيب لرده آليزلار
درمان ائله يه درديني بيماره دئييرلر
سرسم دانيشيق عيب اوْلو سئوداليا؟ اوْلماز
يوخ عيبي كي چوخ يئرده آغا، قاره دئييرلر
ياز اينجه غزل سرمد اوزون خاقينه حصر ائت
هر چند گؤزه ل سؤز يازير ائلناره دئييرلر