بختیار وهاب زاه

بختیار واهابزاده در سال 1925 میلادی بدنیا امده و نام پدرش محمود و یکی از شعرای نامی اذربایجان می باشد و اشعار او بیشتر در رابطه درها و رنج های مردم هست

اشعار وهاب زاده 7

ساچلاریمنان دن دوشور،دن دوشور،یامان دوشور
هر باخاندا آنامن اورگینه قان دوشور
بو آغ ساچلار ،ای آنا،سنی درده سالماسین
ساچلارمین آغلیغیندان قانین هئچ قارالماسین
آلیشیرام گئجه لر اوستول آرخاسیندا من
ساچلاریمدا آغاریر قلبیمین آتشیندن
سن دئمه کی بالامین ،بلکه گیزلی غمی وار
واختسیز آغاران ساچین اوزگه بیر عالمی وار
اولوم بئله غم دئییل،بو حیاتی دویانا
من بو آغ ساچلاریما،اؤیونورام،آی آنا!
قارا،شوه ساچلاری،طبیعت وئرمیش منه
من گوونه بیلمه رم اونون بو تحفه سینه
زحمتی،حیاتیمین ایلک بزه یی سانمیشام
آغ ساچلاری حیاتدا من اؤزوم قازانمیشام

اشعار وهاب زاده 6

ایدراکدا یول آچمیش گئجه دن گوندوزه آللاه، 
گولدورمه سه ن اؤز کؤنلونو، گولمز اوزه آللاه
دونیایا شفقلر کیمی تانریم سپلنمیش،
قلبین گؤزو یانماسا، گؤرونمز گؤزه آللاه.
 ************
آللاه! بیلیریک جیسم دئییل، بس ندیر آللاه؟ 
ان یوکسک اولان حاقدا، حقیقت ده یر آللاه. 
دوندونسا تکامل و گؤزللیک قاباغیندا،
درک ائت بو، تعجوبده، بو حئیرتده دیر آللاه.
************
بیلدیک، بیلیریک، گیزلیدیر اینساداکی قدرت، 
هر کس اونو فهم ائتمه سه ، عاجیزدیر او، البت. 
اینسانین ازل بورجودور اینسانلیغا حؤرمت، 
اینسانلیغا حؤرمتده، لیاقتده دیر آللاه. 
*************
گئرچک ده بودور: گیزلیدیر هر ذره ده وحدت. 
بیر ذره ایکن کله قوووشماق اولو نیت. 
گؤردوکلریمیز ظاهیردیر، بطنه نفوذ ائت! 
باطنده کی ، جؤوهرده کی  فیطرتده دیر آللاه.
***************
فیطرت ده یاتیر سؤزده، سؤزون اؤز یوکو فیکریم.
سئچمیش، سئچه جک دایما توکدن توکو فیکریم.
من بیر آغاجام، یارپاغی سؤزلر، کؤکو فیکریم،
سؤزلرده دئییل، سؤزده کی  حیکمتده دیر آللاه.
*********************************
اینسان! تپه دن دیرناغا سن آرزو، دیلکسن،
نفسینده دویومسوز، فقط عشقینده ملکسن.
ظولمون اوزونه حاق دئییلن شیلله نی چکسن،
شیللنده مؤهورلنمیش او غئیرتده دیر آللاه.
******************************
جاهیل ائنر آلچاقلیغا، اؤز قلبینه یئنمز،
ویجداندان اگر دؤنسه ده، خیریندن او دؤنمز.
ظولمتده، جهالتده، عداوتده گؤرونمز،
ایلقاردا، صداقتده، محبتده دیر آللاه

اشعار وهاب زاده 5

گونشه باخاندا گارالیر گؤزومده
ایشیغین ایچینده ظولمت اولورموش؟
ایکی سؤون قلبین قوووشدوغو یئر
کول دیبی اولسادا جنت اولورموش
ازل دن نیسبی دیر قارا دا آغ دا
یاخین دا اوزاغ دا تپه ده داغ دا
دونن بایراق اولن،سؤز بد یاغ دا
دؤنوب بیردن بیر غلط اولورموش
حؤکمو داش دان کئچر یالنین شرین
روحو اونودولوب موقدیس لرین
آما دولی جیبین دن اونقول کس لرین
ان بؤیوک طلبی مینت اولورمو.
خئیرینده شرینده وحدت دیر عالم
بیر اوجو سؤوینج.بیر اوجو الم
گورولن گله ده منیم بودیرمم
منیم رقیبیمه فورست اولورموش
ائنیشین قدرین بیلدیک یوخوشدا
عقل نه بیلیکده کی ییشدا
دونیانین آهنگی باهارلا قیشدا
کدرده سئوینجیده وحدت اولورموش
آمالمیز فیکریمیز بیر عشق بیر هوس
اؤز-اؤزونه جوجره بیلمز

اشعار وهاب زاده 4

اومیدیمین چیراغینا
بیر قطره یاغ ایسته ییرم.
آغلار قالان دیله ییمه
آداخلانماق ایسته ییرم.
زامان چوخو آز ائله دی
بیزی دایاقسیز ائله دی
حاق ـ منی حاقسیز ائله دی
حاققی دانماق ایسته ییرم.
آچار گزدیم دویونومه
قیفیللار چیخدی اؤنومه
صاباح اوچون بو گونومه
دایاقلانماق ایسته ییرم.
گول کول ایمیش، سول ساغ ایمیش
حاق ـ گئرچه یی دانماق ایمیش
خوشبختلیک، آلداناق ایمیش
من آلدانماق ایسته ییرم...

اشعار وهاب زاده 3

آچامماديم بير قاپيني عذابسئز
هئچ اولمادي كدر مندن گئن دوشه
عؤمروم بويو بير ديله يه جان آتديم
سولاديغيم سونبولومه دن دوشه
كئچديم نئچه دولانباجدان دولايدان
سئچيلمه دي گون هفته دن ، ايل آيدان
با غيريرام ايچيمده كي هارايدان
بوز باغلايان كؤنول لره اون دوشه
ايندي داها دويوشورم دؤزومله
ئوز اليمله  ئوزومه دير بو حمله
دؤزوم بيتدي ، قورخورام كي ئوزمله
قده ريمين آراسينا قان دوشه
قان قؤخويور زمانه نين يئل لري
قوم گتيرير ، ليل گتيرير سئل لري
نيئله ييرم غم مؤهورلو ايل لري
قيسمتيمه ايسته ديم آن دوشه
ئوز يولونو هئچ آزمادي بو گرديش
زميم ياندي تاخيليمي بيچمه ميش
نه اولاركي بو دونيادان كؤچمه ميش
منيم حسرت گؤزلريمه(قوزئيمه) گون دوشه

اشعار وهاب زاده 2

ديل آچاندا ايلک دفعه  « آنا » سؤيله ييريک بيز،
« آنا ديلي » آدلانير بيزيم ايلک درسليگيميز.

ايلک ماهنيميز لايلاني آناميز اؤز سودويله
  ايچيرير روحوموزا بو ديلده گيله - گيله.
  بو ديل  بيزيم روحوموز، عشقيميز، جانيميزدير،
  بو ديل  بير- بيريميزله عهد و پئيمانيميزدير.
  بو ديل  تانيتميش بيزه بو دونيادا هر شئيي،
بو ديل  اجداديميزين بيزه ميراث وئرديگي
قيمتلي خزينه دير…اونو گؤزلريميز تک
 قورويوب، نسيللره بيز ده هديه وئرک.
بيزيم اوجا داغلارين سونسوز عظمتيندن،
ياتاغينا سيغمايان چايلارين حيدتيندن،
بو تورپاقدان، بو يئردن،
ائلين باغريندان قوپان يانيقلي نغمه لردن،
گوللرين رنگلريندن، چيچکلرين ايگيندن،
ميل دوزونون، موغانين سونسوز گئنيشليگيندن،
آغ ساچلي بابالارين عقليندن، کاماليندان،
دوشمن اوستونه جومان او قيراتين ناليندان
قوپان سسدن ياراندين.
سن خالقيمين آلديغي ايلک نفسدن ياراندين.
آنا ديليم،  سنده دير خالقين عقلي، حيکمتي،
عرب اوغلو مجنونون دردي سنده ديل آچميش.
اورکلره يول آچان فضولي نين صنعتي،
ائي ديليم، قودرتينله دونيالارا يول آچميش.
سنده منيم خالقيمين قهرمانليقلا دولو
تاريخي واراقلانير،
سنده نئچه مين ايلليک منيم مدنيتيم،
شان- شؤهرتيم ساخلانير.
منيم آديم- سانيمسان،
ناموسوم، ويجدانيمسان!
بو ديل  تانيتميش بيزه بو دونيادا هر شئيي،
بو ديل  اجداديميزين بيزه قويوب گئتديگي
ان قييمتلي ميراثدير، اونو گؤزلريميز تک
قورويوب، نسيللره بيز ده هديه وئرک!
ائي اؤز دوغما ديلينده دانيشماغي عار بيلن
فاسونلو اده بازلار،
قلبينيزي اوخشامير قوشمالار، تئللي سازلار.بونلار قوي منيم اولسون،
آنجاق وطن چؤرگي،
بير ده آنا اورگي.
سيزلره غنيم اولسون.

اشعار وهاب زاده 1

گومان قالیب آللاها
تالان اولموش بیر زامان اوره کله رده بسله نن
اومید ایله سوسله نن
او آرزولار٬او کاملار.
کورپوله رین اوستونده ن ایندی سئل سولار گئچیر
آلتیندانسا٬آداملار.
ایندی یالان آند اولوب
یایین اوغلان چاغیندا
بولوتلار یامان دولوب.
هامی دوز یولدان قاچیب٬ أیری یولا ایشله ییر
ساعاتین عقربله ری سولدان ساغا ایشله ییر
ساغدان سولا ایشله ییر.
بو قارانلیق گئجه نین هله سونو گورونمور
سحه ر دونور آخشاما٬گئجه سحه ره دونمور.
گوندوزله ری آلیشیب٬گئجه له ری سونموشوگ
بیز عاغیللا حیس ائدیب٬اوره کله دوشونموشوگ.
أوزوموزه قاییدیر آتدیغیمیز اوخوموز
توخام دئییر آجیمیز٬آجام دئییر توخوموز
آلچالماقی هئچ کسین توخونمور ووقارینا
قول گوتوروب اویناییر بو میللت آج قارنینا.
بیر بیرینه اویوشمور سوزوموزله - ایچیمیز
طویدا آغی سویله ییب٬یاسدا گولوشوروگ بیز.
نه گئریمیز بللیدیر٬نه ایره لیمیز بیزیم
ألیمیزین یئرینه ایشله ییر سحه ر٬ آخشام
یالنیز دیلیمیز بیزیم.
نه آرخادا٬نه اونده معلوم بیر یئریمیز یوخ
هارا گئتدییمیزده ن واللاه٬خبریمیز یوخ.
بیز بیر شئیی بیلمه دیگ:
هر عصرین اوز داماری٬هر گونون اوز روزگاری!
بو گونون قیفلینا دوشه بیلمه ز٬ دونه نین
پاس باغلانمیش آچاری.
اوره ک قالیب او تایدا٬گومان قالیب بو تایدا
بیر ایشیق ایسته ییریک ایینه نین اوجو بویدا.
اومیده ده گومان یوخ٬اومید گوماندان باها
اوزله ر گویه تیکیلمیش٬ گومان قالیب آللاها.