اشعار هیدجی 5
بو روزگار گئچه‌ر، یاخشی روزگار گله‌ر،
کؤنول داریخما، غم ائتمه کی غم‌گوسار گله‌ر.
دومان دوتوب یئر اوزون، گر یاغار هوادان قار،
گئچه‌ر گئده‌ر بو سویوق قیش، گنه بهار گله‌ر.
اگر او چاغ کی سفر ائتدی یار، گئتدی بخت،
خوش اول گونه قاییدار بختیلن او یار گله‌ر.
گئجه‌ـ‌گونوز چکیرم آه، تیکمیشم یولا گؤز
گؤروم هاچاغ گنه اول یار گول‌عیذار گله‌ر.
سولوب جوانلیغیمین رنگی، باش و قاش آغاریب،
بلی بهار بیته‌ر لاله، قیشدا قار گله‌ر.
تلسمه بو شهین عهدینده، گر سیتم یئتیشیر،
بو شهریار گئده‌ر آیری شهریار گله‌ر.
او شه کی دوشمنه ساتدی رعیتی، گؤردون،
نئجه اجل اوخونا سینه‌سی دوچار گله‌ر.
دولانما بوش، ببه جان! گئت اؤزونچو بیر ایش تاپ،
دیمه منه کی بگم، کسب و کار عار گله‌ر.
آدام، او چاغ کی گله‌ر قونشو بورجونو ایسته‌ر،
باشارمادی وئره، دونیا گؤزونه تار گله‌ر.
مثلده وار کی: ایگید اوندو، دوققوزو دوندو!
اگینده اولمادی پالتار، نظرده خوار گله‌ر.
واریم عجب کی اگر هر نئجه لیباس اولسون،
گئینده اگنیمه من، قیسسا یا کی دار گله‌ر.
آلیب کمند صیفت تسبیحی اله زاهید،
باخار گؤره کی هاچاغ دامنه شکار گله‌ر.
بو حالی ترک ائله، مُهمل دانیشما هیده‌جلی!
بو سؤزده بعضیلرین قلبینه غوبار گله‌ر.
کؤنول داریخما، غم ائتمه کی غم‌گوسار گله‌ر.
دومان دوتوب یئر اوزون، گر یاغار هوادان قار،
گئچه‌ر گئده‌ر بو سویوق قیش، گنه بهار گله‌ر.
اگر او چاغ کی سفر ائتدی یار، گئتدی بخت،
خوش اول گونه قاییدار بختیلن او یار گله‌ر.
گئجه‌ـ‌گونوز چکیرم آه، تیکمیشم یولا گؤز
گؤروم هاچاغ گنه اول یار گول‌عیذار گله‌ر.
سولوب جوانلیغیمین رنگی، باش و قاش آغاریب،
بلی بهار بیته‌ر لاله، قیشدا قار گله‌ر.
تلسمه بو شهین عهدینده، گر سیتم یئتیشیر،
بو شهریار گئده‌ر آیری شهریار گله‌ر.
او شه کی دوشمنه ساتدی رعیتی، گؤردون،
نئجه اجل اوخونا سینه‌سی دوچار گله‌ر.
دولانما بوش، ببه جان! گئت اؤزونچو بیر ایش تاپ،
دیمه منه کی بگم، کسب و کار عار گله‌ر.
آدام، او چاغ کی گله‌ر قونشو بورجونو ایسته‌ر،
باشارمادی وئره، دونیا گؤزونه تار گله‌ر.
مثلده وار کی: ایگید اوندو، دوققوزو دوندو!
اگینده اولمادی پالتار، نظرده خوار گله‌ر.
واریم عجب کی اگر هر نئجه لیباس اولسون،
گئینده اگنیمه من، قیسسا یا کی دار گله‌ر.
آلیب کمند صیفت تسبیحی اله زاهید،
باخار گؤره کی هاچاغ دامنه شکار گله‌ر.
بو حالی ترک ائله، مُهمل دانیشما هیده‌جلی!
بو سؤزده بعضیلرین قلبینه غوبار گله‌ر.
+ نوشته شده در جمعه بیست و چهارم آبان ۱۳۹۲ ساعت 11:48 توسط نویسنده: احد علیوند
|