شعر یاندیردیلار کتابلاری وورغون

جلاد! سنین قالاق قالاق یاندیر دیغین کتابلار
مین کمالین شهرتی دیر ،مین اورگین آرزوسو...
بیز کوچوروک بو دنیادان ، اونلار فالیر یادگار
هر ورقه نقش اولونموش نئچه انسان دوبغوسو
مین کمالین شهرتی دیر ،مین اورگین آرزوسو...
یاندیر دیغین او کیتابلار آلوولانیر ...یاخشی باخ !
او اَلولار شعله چکیب شفق سالیر ظلمته...
شاعرلرین نجیب روحو مزاریندان قالخاراق
آلقیش دئییر عشقی بویوک ،بیر قهرمان ملته
او اَلولار شعله چکیب شفق سالیر ظلمته...
جلاد ! منیم دیلیمده دیر بایاتیلار ، قوشمالار
دئ ، اونلاری هئچ دویدومو سنیناوداش اورگین؟
هر گرایلی پرده سینده مین آنانین قلبی وار...
هر شکسته اولادی دیر بیر مقدس دیلگین
دئ ، اونلاری هئچ دویدومو سنیناوداش اورگین؟
سویله ،سنمی خور باخیرسان منیم شعر دیلیمه؟
قوجا شرقین شهرتی دیر فضولی نین غزلی!
جلاد ! یانیب اود اولسا دا ، کوله دونمز آرزولار
طبیعتین آنا قلبی قول دوغمامیش انسانی !
هر اورگین اوز دنیاسی بیر سعادت آرزولار
قانلار ایله یازیلمیشدیر هر آزادلیق داستانی...
طبیعتین آنا قلبی قول دوغمامیش انسانی !
ازل باشدان دوشمنیمدیر اوزو مردار قارانلیق...
هر توپراغین اوز عشقی دار ، هر ملتین اوز اآدی
کائناتا دگیشمه رم شهرتیمی بیر آنلیق
منم اودلار اولکه سینین گونش دونلو اولادی !
هر توپراغین اوز عشقی دار ، هر ملتین اوز اآدی
ندیر او دار آغاجلار ری ، دئ ، کیملردی آسیلان؟
اویونجاقمی گلیر سنه وطنیمین حق سسی ؟
دایان !...دایان!اویاق گزیر هر اورکده بیر اصلان
بو غازیندان یاپیشاجاق اونون قادیر پنجه سی
اویونجاقمی گلیر سنه وطنیمین حق سسی ؟
جلاد ! سنمی ، دئ ، ثیر یر سان فدائیلر نسلینی ؟
ملتیمین صاف قانی دیر قورت کیمی ایچدیگین قان !...
بیر ورقله تاریخلری ، اوتان منیم قارشیمدا
آتام تومریس کسمه دیمی کیخسروین باشینی؟
کوراغلونون ، ستارخانین چلنگی وار باشیمدا
نسیللریم قویمیجاق داش اوستونه داشینی
آتام تومریس کسمه دیمی کیخسرووین باشینی؟
سور آتینی ، دورت نالاچاپ! مئدان سنین دیر ...آنجاق
من گورورم آل گئیینیب گلن باهار فصلینی...
قوجا شرقین گونشی دیر یاراندیغیم بو تورپاق
من ایتیردیم آل بایراقی انقلاب لار نسلینی
من گورورم آل گئیینیب گلن باهار فصلینی...

شعر آزربایجان وورغون

چوخ کچمیشم بو داغلاردان
دورنا گوزلی بولاقلاردان
ائشیتمیشم اوزاقلاردان
ساکت آخان آرازلاری
سینامیشام دوستی، یاری ...
ائل بیلیرکی، سن منیمسن
یوردوم، یووام، مسکنیمسن
آنام، دوغما وطنیمسن!
آیریلارمی کونول جاندان؟
آذربایجان، آذربایجان!
من بیر اوشاق، سن بیر آنا،
اودور کی، باغلیام سانا
هانکی سمته، هانکی یانا
هی اوچسام دا یووام سنسن،
ائلیم، گونوم، اوبام سنسن!
فقط سندن گن دوشنده،
آیریلیق مندن دوشنده،
ساچلاریما دن دوشنده،
بوغار آیلار، ایللر منی،
قیناماسین ائللر منی
داغلارینین باشی قاردیر،
آغ ئورپگین بولوتلار دیر،
بویوک بیر کچمیشین واردیر،
بیلینمه ییر یاشین سنین
نه لر چکمیش باشین سنین
دوشدون اوغورسوز دیللره،
نحس آیلارا، نحس ایللره،
نسل لردن نسل لره
کچن بیر شهرتین واردیر
اوغلون، قیزین بختیاردیر ...
هی باخیرام بو دوزلره،
آلاگوزلی گونددوزلره،
قارا خاللی آغ اوزلره،
کونول ایستر شعر یازا،
گنجله شیرم یازا- یازا ...
بیر طرفین بحر خزر،
یاشیل باش سونالار گزر،
خیالیم دولانار گزر،
گاه موغانی، گاه ائلداری،
منزل اوزاق، عمر یاری!
سیرا داغلار، گن دره لر،
اورک آچان منظره لر،
جیران قاچار، جویور مه لر،
نه چوخدور اویلاغین سنین!
آرانین، یایلاغین سنین!
کچ بو داغدان، بو آراندان،
آستارادان، لنکراندان،
آفریقادان، هندوستاندان
قوناق گلیر بیزه قوشلار،
ظلم الیندن قورتولموشلار ...
بویرلرده لیمون ساری،
اگیر، سالیر بوداقلاری
داغلارینین دوم آغ قاری
یارانمیشدر قارلی قیشدان،
بیر سنگردیر یارانیشدان
لنکرانین گلی رنگ- رنگ،
یوردوموزین قیزلاری تک،
دمله چایی، توک ویر گورک،
آنامین دلبر گلینی!
یادلارا آچما الینی!
ساری سنبل بیزیم چورک،
پامبوغمیز چیچک- چیچک،
هر اوزومدن بیر شیره چک
سحر- سحر آج قارینا
قوت اولسون قوللارینا
مین قازاخدا کوهلن آتا،
یالمانینا یاتا- یاتا
آت قان تره باتا- باتا
گوگ یایلاقلار بئلینه قالخ،
کپز داغدان گوگ گوله باخ!
ای آزادگون، آزاد انسان،
دویونجا ایچ بو بهاردان!
بیزیم خاللی خالچالاردان
سر چنارلار کولگه سنه
آلقیش گونش ئولکه سنه!
کونلوک کچیر قاراباغدان،
گاه بو داغدان، گاه اوداغدان،
آخشام اوستو قوی اوزاقدان
هوالانسین خانین سسی،
قارا باغین شکسته سی
گوزل وطن، معنان درین،
بشیگیسن گوزللرین!
عاشق دییه ر سرین- سرین،
سن گونشین قوجاغیسان،
شعر، صنعت اوجاغیسان
ئولمز کونول، ئولمز اثر،
نظامی لر، فضولی لر!
الین قلم، سینه ن دفتر،
دی گلسین هرنه یین واردیر،
دییلن سوز یادگاردیر
بیر دون بیزیم باکی یه باخ،
ساحللری چراغ- چراغ،
بوروقلارین هایقیراراق
نعره سالیر بوز چوللره،
ایشیقلانیر هر داغ، دره
نازلاندیقجا سرین کولک،
ساحللره سینه گرک،
بیزیم باکی- بیزیم اورک!
ایشیقدادیر قوت سوزی،
سحرلرین اولکر گوزی
گوزل وطن! اوگون کی، سن
آل بایراقلی بیر سحردن
الهام آلدین، یاراندیم من
گولور تورپاق، گولور انسان
قوجا شرقین قاپیسی سان!
دینله منی، گوزل وطن!
بیرسوز گلیر اورگیمدن:
خلقیمیزین عشقیله سن
گوله جکسن هر بیز زمان،
آذربایجان، آذربایجان!

شعر حیات فلسفه سی وورغون

قوشلار قاطار- قاطار ائللردن کئچر،
بشر نسیل- نسیل دونیادان کؤچر؛
اینسانلیق گاه زهر، گاه شربت ایچر…
ازلدن بئله دیر حؤکمو زامانین -
دویوملو بیر سیرری وار آسیمانین!
چارخینی قوردوقچا دؤورانین الی
بعضن آغلار اولور، بعضن گولمه لی…
اینسانین ان بؤیوک عشقی، عملی
بعضن آصلان کیمی چیرپینیر داردا،
بزن ده غرق اولور فیرتینالاردا…
دییشیر سمتینی دایما سولار،
دییشیر فیکیرلر، دؤنور دویغولار.
کاینات توتماییر بیر یئرده قرار:
- چارپیر سینه سینی قایالیقلارا-
او گاه قیشا چیخیر، گاه دا باهارا!
دونیا بیناسینی قوراندان بری
سعادت آدلانان او گؤزل پری
گل! - دئیه سسله میش قرینه لری؛
یازیقلار اولسون کی، هله اینسانلیق
گلیب قوووشمامیش اونا بیر آنلیق.
ائی دونیا گؤزه لی، قاچما بشردن!
اینساندیر آییران خئییری شردن!
گل اونون عشقینی اوجوز توتما سن، -
قلبی وار، حیسسی وار هر محبتین،
قارالماز اولدوزو ابدییتین!…
اؤلوم بیر ایبلیسدیر، حیات بیر ملک!
وارلیغی ایزله ییر هئچلیک کؤلگه تک…
ایشیق قارانلیقلا پنجلشه رک
یاشاتماق ایسته ییر جاهاندا بیزی،
گونش سالاملاییر ایراده میزی!
یامانلیق، یاخشیلیق دورموش اوز-اوزه،
دیلسیز عصریلردن میراثدیر بیزه.
اسیر باهار یئلی قلبلریمیزه،
لاکین آرخاسینجا کفن گئییر قیش،
طبیعت وارلیغا بئله قارغامیش.
بیر بایرام سؤزو وار، بیر ده کی، ماتم،
نشه بیر عالمدیر، غوصه  بیر عالم.
حیات اؤز آتینی سورور دمادم؛
اودلار ایچینده ده هر بیر منظره
یئنه قاناد وئریر دوشونجه لره!
یئنه ده اینسانین خیال شهپری
گزیر فضالاری، گؤی دنیزلری.
سن ائی سعادتین گؤزل سحری
آلقیشلا اینسانین پاک عملینی،
اوزات یئر اوزونه هونر الینی!
زاماندیر، بشرین ایمدادینا گل!
خسته بیر گؤزلدیر هونرسیز عمل…
هونر سؤیله دیگیم او قودرتلی ال
بوتون کایناتا قوی قاناد گرسین،
بشر کاروانینا او یول گؤسترسین.
هونر قاناد وئرسین تورپاغا، داشا،
دنیزلر چاتیلیب گلسین باش-باشا…
آزادلیق اوردوسو وارسین بیرباشا،
هر ظفر داستانی یادیگار اولسون،
اؤلوم تسلیم اولسون، حیات وار اولسون!
دونیایا بیر شؤهرت یارانمیشیق بیز،
گونش چؤکمه میشدیر قارانلیغا دیز.
قوی اؤلسون یامانلیق، او خاین ایبلیس!…
یاخشیلیق چاغیرسین هر قلبین نئیی،
قورتاراق زنجیردن پرومئتئیی…
فلاکت قوجالمیش…قارتدیر او کؤپک.
اونون سوموکلری تئز چورویه جک…
سعادت - گنجلیکدیر، آدی - گله جک!
اونون گؤزلرینده حیات عشقی وار-
وار اولسون گله جک! وار اولسون باهار!

اشعار صمد وورغون 4

دئمه سوسدی ربابیمین تئللری
هر پرده ده بیر نواسی وار اونون
خبر وئرین، سئویندیرین ائللری
ایندی بئله یوز هاواسی وار اونون
منیم شعریم اولاد اولدی توپراغا
حیات وئردی هر سارالمیش یاپراغا
نفسیمدن داغلار قالخدی آیاغا
بو یئرلرده مین صداسی وار اونون
ترلان طبعیم هاوالانیب اوچسادا
شیمشک اولوب، بولوتلاردان گئچسه ده
فضالاردان سیزه صحبت ائتسه ده
وطن آدلی اوز یوواسی وار اونون
سئودیم قیزیل بایراغینی ای سحر!
خوشبخت اولور بو دنیادا سئونلر
حیات دئدی یاراتدیغیم هر سحر
ائللر بیلیر نه معناسی وار اونون
سینه مده دیر وطنیمین حق سسی
سازیمدادیر آزادلیغین نغمه سی
سعادتدیر اونون عشقی، هوسی
احتشاملی بیر دنیاسی وار اونون
اودلار یوردی، عهدیمیز وار ازلدن
بو ایلغاردان نه من دوندوم نه ده سن
آنا قلبین بیر عماندیر، ای وطن!
"وورغون" کیمی بیر غواصی وار اونون

اشعار صمد وورغون 3

گل آنا یوردیمین قیزی، گلینی
ایندی هنر وقتی، غیرت دمی‌دیر
سن‌ده اسیرگمه کمک الینی
هر سوزون، صحبتین جان ملحمی‌دیر
آدین شرفلی‌دیر سنین، ای قادین!
داهی‌لر آناسی چاغرییر آدین
الینله قوردیغین بارلی باغچالار
طوفانلار قوپسادا سارالیب سولماز
بیزیم بو یئرلرده بیر مثل ده وار
«اصلانین ارککی، دیشی‌سی اولماز!»
جبهه‌لر چاغیریر، گل دوشه‌ک یولا،
ظفر بیزیمکی‌دیر، اوغورلار اولا!...
ازل‌دن تمیزدیر، صاف‌دیر اوره‌گین
بیرده شاعرانه طبیعتین وار
حیات عاشقی‌دیر عشقین، دیلگین
دیلده داستان اولان محبّت‌ین وار
وار اولسون جهاندا عشقین، املین
وار اولسون دائماً یارادان الین!
گل چیخاق جبهه‌یه، امر ائدیر وطن
سن‌ده بو میداندا کوکره‌ییب چاغلا!
دشمنین گولله‌سی دگسه سینمدن
مهربان الینله یارامی باغلا!
حیات وئره‌جکدیر بیزه درمانین
الینله پوزیلسین حکمی زمانین
گل ایندی جبهه‌ده یولداش اولاق بیز
بیرجوت اصلان کیمی وورشاق قوشا
ظفرله قورتارسین مبارزه‌میز
سونرا ئوز ائوینده بختیار یاش
وطنین گوزلری ایندی بیزده‌دیر
آزادلیق چراغی الیمیزده‌دیر 
گل آی جمالینین صاف شعله‌سندن
بیرده ایشیقلانسین سینمده اوره‌ک
گل، وطن عشقینین یوروش سسیندن
سئل کیمی کوکره‌ییب هجوما کئچه‌ک
آشیب شیش داغلاری، مئشه‌لیگ‌لری
گونده بیر ظفرله گئده‌ک ایره‌لی
گل قیزیل اردویا! ساریل بو گونه!
پارلا یاز گونونین سحری کیمی
توتوم اوزنگینی، قالخ آت اوستونه
سن قاچاق نبی‌نین هجری کیمی
هجوما کچدیکجه نعره چکیب‌سن
گونش نور توکه‌جک اوستونه گوگدن
الینله قوردوغون بارلی باغچالار
طوفانلار قوپسادا، سارالیب سولماز
بیزیم بو یئرلرده بیر مثل‌ده وار!
«اصلانین ارککی، دیشی‌سی اولماز!»
جبهه‌لر چاغیریر، گل دوشه‌ک یولا
ظفر بیزیمکی‌دیر، اوغورلار اولا!...

اشعار صمد وورغون 2

عاشق باغرینا باس صدفلی سازی
مین جوابلی بیر سئوالدان دانیشاق
میدان قوراق، صحبت آچاق، ساز توتاق،
گل یاناقلی، قوشاخالدان دانیشاق
قوی سوز آلیم بیر گناهسیز دوداقداندشمن باخیب حسد چکسین اوزاقدان
یار بزه نیب چخان زمان اوطاقدان
یاشینداکی گللی شالدان دانیشاق
وورغون دئیه ر، بیر دردبیلن یار اولسون
زلفی بولوت، آغ سینه سی قار اولسون
یاخشی گونده، یامان گونده وار اولسون
قدر بیلن احل حالدان دانیشاق

اشعار صمد وورغون 1

سنبلوم، سنبلوم، ساری سنبلوم!
آدینا سوز قوشوم باری، سنبولم!
ائللر حسرتی در بو امری وئرن،
شیرین گئجه لرده یوخوما گیردن
یاشیل تارلامیزین منظره سی در
خرمن اوستونده کی آنا سسیدر
سنبلوم، سنبلوم، ساری سنبلوم!
کونلومین قوناغی، یاری سنبلوم!
قاباقدان آل گییب گلنده بهار،
ائللر سنی آنار، سنی سلاملار
گوز اوسته یئرین وار بیزیم وطنده
بویوک بیر ئولکه نین گوزی وار سنده
سنبلوم، سنبلوم، ساری سنبلوم!
سنمی سن چیچگم، سنمی سن گلوم؟!
قالدیرسین باشینی گوگلره ساری
گنیش خرمنلرده درز تایلاری
باخدیقجا دشمنین گوزی قارالسین،