اشعار سید عظیم شیروانی 5

بيرليلی سئوييب عشقده سئودالره دوشدوم
 مجنونه دونوب دامن صحرالــره دوشدوم
سئودای سرزلفده سرمايمـــــی وئرديم
سود ائيلمه ديم گورنئجه سئودالره دوشدوم
بيرطفل صغيرآلدی منيم عقليمـــی الدن
ای پيرکونول گورغم کبرالـــره دوشدوم
هـــرجانبه باخ بيربت هرجائی گوررسن
 هــــريئرده عبث تهمت بيجالره دوشدوم
صنعانــــی اولوب بيربت ترساطلبينده
هــــــردم هوس ديرو کليسالره دوشدوم
شايد گتيررم داميمه اول دريتيمـــــی
غـواصه دونوب عشق ايله دريالره دوشدوم
تاکـی بيرالين اوپمک اوچون پيرمغانين
ساقـی نين اياغيندان اوپوپ پالره دوشدوم
عکس رخينـــی ساغرصهباده گورن دم
بی تاب اولوبان اوزگه تمنالــــره دوشدوم
بيلدی منـی نادان ائيله دی پند ، خلايق
صد شکرکـــــی سيد دل دانالره دوشدوم

اشعار سید عظیم شیروانی 4

کیم کی ایستر اوزونی سرور ایام السین
در میخاننی اوپسون طلبی جام السین
آب کوثرده منیم هر نه نصیبیم وارسا
دوندریب ربیم اونو باده ی گلفام السین
یار گلدی هامی اوز دردینه مشغول اولدی
قالمادی کیمسه منیم دردیمه انجام السین
سن نه کوتاهیسن ای شام وصال دلبر
حق منیم عمرومی کسسین سنه انعام السین
اولسا ناکاملیغیم گر او پرینین کامی
دلی دیوانمی حق دهرده ناکام السین
سید اول زلف رخوندن کی حکایت سویلر
ایستیر کین گونون اول وجهیله آخشام السین

اشعار سید عظیم شیروانی 3

نه بو گـــــون باغیدا یاریـم نه می یم وار منیم
سئــــیر گــــــلزارده بیــــهوده نه ییم وار منیم
ســـــــیزی تانــــری یئتیرین پیر خراباته منی
کی بو گون ساقـــــــی الیندن گیله ییم وار منیم
منه معــــــــجون می لعـــلی دوا دور ساقـــــی
کــی غــــم هـــجرایله جسمیمده کیمیم وار منیم
جان سنین، جسم سنین، امر سنین،  فعل سنین
جمـــله سنسن بـــو آراده نه شـــی یم وار منیم
منــــی سید تکــــــی چــک  گوشۀ میخانه لره
آرتیــریـــر غـم داخی، مسجده نه ییم وار منی

اشعار سید عظیم شیروانی 2

ائیله دی آخر فلک اول گولعذاریمدان منی،
سالدی دشت غربت ایچره کوی یاریمدان منی.
ناقۀ سرگشته تک صحرا دولانسام، نئی عجب
کیم، فلک بیداد ایله اوزموش قاطاریمدان منی.
هجردن رنگیم سارالدی، شکر کیم، صراف عشق،
ایندی تانیر بو زر کامل عیاریمدان منی.
قالدی، من گئتدیمسه، ای نامهربان، کویینده دل،
باری گه گه سور دل بی اختیاریمدان منی.
شهر تفلیسین چلیپا باغلایان ترسا لری،
قورخورام کیم، آییرا آخردا تاریمدان منی.
سیّدا، من اول محبت اهلییم آفاقده –
کیم، تانیر اهل نظر خاک مزاریمدان منی.

اشعار سید عظیم شیروانی 1

ای تاری _ سری - زولفون" والیل اذا یغشا"
"والشمس" یوزون وصفین ذراته قیلیب انشا
ای مرشد -ی ناسوتی , وی سایر-ی لاهوتی
کیم اولمادی هم سیرین جبریل شب-ی اسرا
گون اولسا گئجه اولماز ,ای ماه,ندیر وچی
یلدای-ی سر-ی زولفون گون یوزده اولوب پیدا
سن جوهر,عرض عالم,سن اصل,طفیل آدم
هم علت-ی غائی سن,هم علته سن معبد
هر علته علت سن,سن باعث-ی خلقتسن
سن عین-ی مشیتسن,سن عالمه سن مولا
سن اول-و سن آخیر,سن ظاهر-و سن باطین
سن طیب-و سن طاهیر,سن صورته سن معنا
خورشید جمالیندان بیر ذره عیان اولدو
طور اوزره تجلاده-ن مبهوت قالیب موسی
"سید" نچیدیر ائتسین اوصاف سنی,ای شاه
ایظهار-ی خلوصیت ایله ر سنه اول شیدا.