آچامماديم بير قاپيني عذابسئز
هئچ اولمادي كدر مندن گئن دوشه
عؤمروم بويو بير ديله يه جان آتديم
سولاديغيم سونبولومه دن دوشه
كئچديم نئچه دولانباجدان دولايدان
سئچيلمه دي گون هفته دن ، ايل آيدان
با غيريرام ايچيمده كي هارايدان
بوز باغلايان كؤنول لره اون دوشه
ايندي داها دويوشورم دؤزومله
ئوز اليمله  ئوزومه دير بو حمله
دؤزوم بيتدي ، قورخورام كي ئوزمله
قده ريمين آراسينا قان دوشه
قان قؤخويور زمانه نين يئل لري
قوم گتيرير ، ليل گتيرير سئل لري
نيئله ييرم غم مؤهورلو ايل لري
قيسمتيمه ايسته ديم آن دوشه
ئوز يولونو هئچ آزمادي بو گرديش
زميم ياندي تاخيليمي بيچمه ميش
نه اولاركي بو دونيادان كؤچمه ميش
منيم حسرت گؤزلريمه(قوزئيمه) گون دوشه