ایچ شراب ناب اؤزون ساقی! منه مستانه باخ،
گاه چشم شفقت ایله، گاه بی‌رحمانه باخ.
هر روش وار ائیلمه قطع نظر عشّاقدان،
باخماسان شفقت گؤزیله باری بی‌رحمانه باخ.
ای دمادم یاندیغیم کیفیّتین مندن سوران!
طاقتين وار ایسه اول برق سبک جولانه باخ.
عاشقم من طاعته نسبت ویریر زاهد منی،
گؤر یالانین اول سؤزونو بیلمزین، بهتانه باخ.
روشن ایستیرسن کؤنول آئینه‌سین دلداری گؤر،
گؤرمک ایستیرسن اگر جان جوهرین، جانانه باخ.
عشق دردیندن بقای جاودان ایستر کؤنول،
بؤیله داشقین سئیل‌دن تعمیر اومار، ویرانه باخ.
غمزه یارب! اؤگره‌دیر، یا رحم اول خونخواره کیم،
اؤیله ظالم گؤزلریله بؤیله مظلومانه باخ.
ای دئین کیم باده‌ی گلگون ایچیب قان آغلاما!
بیر الیمده ساغر مِی، بیر الیمده قانه باخ.
عشق روشن رای‌دیر حُسن رسا مشاطه، سن ـ
یا اله آئینه آل، یا قوسی حیرانه باخ.