اؤز اختياريمي وئرميشم نيگار الينه
يئتوبدو فاعل مختارون اختيار الينه
كؤنول گر ايستيه سن مست جان عشق اوْلاسان
عنان هوشيوي وئر يار هوشيار الينه
او گون كي قسمت ائدوبلر وجودي جزء به جزء
وئروبله رشته صبر و قراري يار الينه
هواي داريله منصور عقل شهبازي
اوچوب، قوْنوب سر گيسوي تابدار الينه
نوْلوردي بيرجه گئديدي خزان، گليدي بهار
دوشيدي دامن گول عندليب زار الينه
حنايه باخ نئجه گؤر بي حيادي، قانه دؤنوب
اوتانميوب قيزاروب ال وئروب نيگار الينه
چكوبدو كامينه كؤنلوم قوشين او زولف سيه
او دار بئلي، دوشه گنجشكْ بچه مار الينه
دئمه بو عاشقه گل تار زولفومه وير چنگ
وجودي چنگ اوْلو گر دوشسه بيرجه تار الينه
بو نوْعيلن كي يانار اوْدلارا يانار صراف