توركون ديلي تك سوگلي،ايستكلي ديل اولماز
ئوزگه ديله قاتسان، بو اصيل ديل، اصيل اولماز
ئوز شعريني فارسا-عربه قاتماسا شاعر
شعري اوخيانلار، ائيشدنلر كسيل اولماز
فارس شاعري چوخ سوزلريني بيزدن آپارميش
"صابر" كيمي بير سفره لي شاعر،پخيل اولماز
توركون مثلي فولكلري دنيادا تكدير
خان يورقاني،كند ايچره مثل دير،ميتيل اولبماز
آذر قوشوني،قيصر رومي اسير ائتميش
كسري سؤزيودير بير بئله تاريخ ناغيل ائولماز
پيشميش كيمي ، شعرين ده گرك داد-دوزي اولسون
كند اهلي بيلر لر كي دوشابسيز خشيل اولماز
سؤزلرده جواهر كيمي دير، اصلي بدلدن
تشخيص وئرن اولسا بوقدر زير-زبيل اولماز
شاعر اولا بيلمزسن ، آنان دوغماسا شاعر
مس سن ،آبالام ، هر ساري كوينك قيزيل اولماز
چوق قيسّا بوي اولسان اوليسان جن كيمي شيطان
چوق دا اوزون اولما كي اوزون دا عقيل اولماز
مندن ده نه ظالم چيخار ، اوغلوم ، نه قصاص چي
بير دفعه بوني قان كي ايپكدن قيزيل اولماز
آزاد قوي اوغول عشقي طبيعت ده بولونسون
داغ-داشدا دوغولموش دلي جيران حميل اولماز
انسان اودي تودسون بو ذليل خلقين اليندن
الله ي سؤرسن ، بئله انسان ذليل اولماز
چوق دا كي سرابون سويي وار ياغ-بالي واردير
باش عرشه ده چاتدير سا سراب اردبيل اولماز
ملت غمي اولسا،بو جوجوق لارچؤپه دؤنمز
اربابلار يميزدن دا قارينلار طبيل اولماز
دوز واختا دولار تاخچا-طاباق ادويه ايله
اوندا كي ننه م سانجيلانار زنجفيل اولماز