ایل لردیر اوءزونه حسرت قالدیغیم
دوغما قارداشیمدان آرالی‏یام من
دوءشمنیم ده بیلسین، دوستوم دا بیلسین
هله اؤلمه میشم، یارالی‏یام من
هاردا آلنی آچیق انسان گؤرسنیز
هاردا اوءرک لرده عوصیان گؤرسنیز
هاردا مکتبدن چوخ زندان گؤرسنیز
بیلین او یئرلی‏یم، اورالی‏یام من
چوخداندیر توی- دوءیون گؤرمه ییب اوبام
خیرماندا اؤزگه‏یچون ایش گؤرور یابام
ستّارخاندیر آتام، بابکدیر بابام
ایندی بیلدینیزمی، هارالی‏یام من؟