تيكميشم گؤز يولونا وئرمگه من جان تئز گل
چاغيرار  دادينه   دونياده   مسلمان   تئز گل
بو آريق جانيمي عشقينله ائله بسله ميشم
گله سن تا كي كسم بو جاني قوربان تئز گل
داغديب  باغ  و  بهاريمي  منيم  جور خزان
قدم آت  تا كي تاپا جان  بو گلستان تئز گل
آلميشام جان  و ديلي  پاي  ملخ  تك اليمه
سرّيني  آچماغا  اي  ماه  سليمان  تئز گل
داها خطدن  بو حجابي گؤتور اي  ماه تمام
قوي او اسرار آقا اولسون كي نمايان تئز گل
بي كس و دربه دره م آي قارا گؤزلو مله ييم
گل سينه م ده اؤره گيم اولدي كي آلقان تئزگل
گل چيخارديم گؤزومو  اول قدمين آلتا آتيم
لطف قيل سن  بو گدازاديه ، سلطان تئز گل
مئي  ايلن نامه اعمالي سياه ائيله ميشم
گل لبيندن بير اؤپوش وئرمنه جانان  تئز گل
هدفيم بيربئله درگاهيده سار سيلماقدان
بودود بير لحظه گؤره م رويونو  الآن  تئز گل
سسله يين قيس ايله فرهادي بو عاشيق يانينا
اوچوموز ائيليه گون موجيلي طوفان تئز گل ؟!
ايل ايل اوستن دولانير گلدي گئنه ميلادين
ايستر عبادي ائله رويوني احسان ، تئز گل ؟!