یئتیر شراب عشقینی ایچیم گؤزل دنیز- دنیز
تنین پیاله سی اولوب شراب عشقینین عزیز
او مئی کی بیر پیاله سی ائدیبدی فرشی عرشه تای
 باشین چالیر دووارلارا سماع ائدیر جوشور دنیز
خییال فضاسی داردی دار، بیزی خییالدان اوسته چک
گوتور آپار او یوردا کیم خییال قوشو سالانماز ایز
 تنین سازیندا روحوموز یانیق کرم چالیر مدام
موغامی میز قان آغلادیر، کدر دوغور ترانه میز
دوزاخدی تن، سازاقدی من، آد اولدو روح ایچون کفن
آدین الیندن آل بیزی گل ائتگی نن کرانه سیز
 من اؤزگه دیر اونوت منی ،چاغیرما وصله اؤزگه نی
بو ساز دانیشماز اؤزگه یه ،مین ایل اوتورسا دیزبه دیز
«باریشماز» اولما توت دمی یارین یولوندا اود غمی