اؤزون عشق آتشینه وورماغا دلشاد پروانه،
بلی، بیر دفعه یانماقدان اولور آزاد پروانه.
گؤرور مجلس لر ایچره شمعی هر شب یاری اغیاره،
اونونچون یانماغین طرحین قیلیر بنیاد پروانه.
سنه ای شمع، تهمت لر قالیر معشوقه لر ایچره،
اگرچی خرمن عمرون قیلیر برباد پروانه.
دئمه معشوق بی پروادی شمعه کیم، ملامت دن،
وئریب جان صوبحه دک، اولدو وفادن شاد پروانه.
بیلیب شمعین وفاسین، جسم جانین آتشه یاخدی،
غم هیجر دم وصلینده ائتدی شاد پروانه.
جفایه هیجریدن جانه یئتیب شوق وصال ایله،
یانیب شمعین اودونا، ائتمه دی فریاد پروانه.
یانار چون ناتوان خسته مدام اول آتش غمدن،
صبور اول، ائیله عادت، شیوۀ اوستاد، پروانه!