ای جانیم جلاّدی، عؤمر‌وم یاغیسی!
مگر سنده ظالیم! دین ـ ایمان یوخدور؟
گئجه ـ گوندوز حسرتینی چکمه‌کدن،
اوزولوبدور، من‌ده دخی جان یوخدور.
سگ رقیبین بیر داش دوشسون باشینا،
قویماز کی یار ایلن اولاق آشینا،
حقدیر یانان چوخدور عشق آتشینا،
منیم تک اود توتوب آلیشان یوخدور.
ای قاشلاری هیلال! یاناقلاری گول،
ای زولفلری ریحان، خاللاری فولفول،
عاشیقین اؤلدوره‌ن بی‌رحم و بی‌دل،
سنین تک عالمده ائو ییخان یوخدور.
سنی سئوه‌ن اولور همیشه دلشاد،
سویون آدمیدیر، جینسین پریزاد،
قامتین عرعردیر، قوللارین شمشاد،
بو شأن و شؤکتده هئچ انسان یوخدور.
واقیف حالین سیتمکارا دئمه‌گه،
یالواریبان وارا ـ وارا دئمه‌گه،