بیر اوزو گول ، رنگی لاله ، زلفو تر
گشته چیخیب ، دره ر تازه بنؤوشه
دسته – دسته سانجیب بوخاغ یانینا
یاراشیبدیر او شاهبازا بنؤوشه
جسمی مرمر حلقه زولفلری قارا
اونو گؤرن مجنون اولار آوارا
هؤروب ساچلارینی سالیب قاطارا
دوزوب تئله ، هم قوتازا بنؤوشه
یاشی اون سککیزه یئنی جه یئتمیش
گؤزللیکده تامام خلقی مات ائتمیش
گشته چیخمیش یار گلدیین ائشیتمیش
داغا سالیب بیر آوازا بنؤوشه
زلفون آچیب آغ قوللارین چیرماسین
ائله گزسین ، اونو رقیب گؤرمه سین
اغیار ایله چیخیب سئیره ، درمه سین
لایق اولماز انلامازسا بنؤوشه
سن ساللانیب قاباغیمدان گئده نده
هرگز قالماز صبر و اختیار منده
واقف زلف لرینی تعریف ائده نده
گرک دیر کی اول یازا بنؤوشه
بو خسته‌نین عرضین یارا دئمه‌گه،
مگر بو آرادا مسلمان یوخدور؟!