اي اهل دل  فناني  قويون باري آغلاسين
اغياره چون كي يار اولوب ياري آغلاسين
منع ائتمك عاشقي نه روا آه و زاردان؟
چون دردي وار قويون كي سيزي تاري آغلاسين
گيزلين خيالي واركي بيله آه و زار ائدر
اوز حالينه قويون بو دل افكاري آغلاسين
بولبول نواسي بي سبب اولماز بوباغدا
گوردیكجه هر زمان گول ايله خاري آغلاسين
هجران يار اولدي سبب آغلاماغينا
يا رب گؤروم هميشه سبب كاري آغلاسين
وورسون ال ايله باشينا هر شام تا سحر
ياره ، غم ايچره اولمادي غمخواري آغلاسين
شام فراغيده قاليبان  زار و خسته حال
سالديقجا ياده اول مه رخساري آغلاسين
سسلندي ناتوانه كي ارباب غم تمام
حال فنايه جمع اولوب ائلجاري آغلاسين